Ganesha Pancharathnam
~~1~~मुदाकरात्तमोदकं सदा विमुक्तिसाधकं
~~2~~कलाधरावतंसकं विलासिलोकरक्षकम् ।
~~3~~अनायकैकनायकं विनाशितेभदैत्यकं
~~4~~नताशुभाशुनाशकं नमामि तं विनायकम् ॥१॥
~~6~~नतेतरातिभीकरं नवोदितार्कभास्वरं
~~7~~नमत्सुरारिनिर्जरं नताधिकापदुद्धरम् ।
~~8~~सुरेश्वरं निधीश्वरं गजेश्वरं गणेश्वरं
~~9~~महेश्वरं तमाश्रये परात्परं निरन्तरम् ॥२॥
~~11~~समस्तलोकशंकरं निरस्तदैत्यकुञ्जरं
~~12~~दरेतरोदरं वरं वरेभवक्त्रमक्षरम् ।
~~13~~कृपाकरं क्षमाकरं मुदाकरं यशस्करं
~~14~~मनस्करं नमस्कृतां नमस्करोमि भास्वरम् ॥३॥
~~16~~अकिंचनार्तिमार्जनं चिरन्तनोक्तिभाजनं
~~17~~पुरारिपूर्वनन्दनं सुरारिगर्वचर्वणम् ।
~~18~~प्रपञ्चनाशभीषणं धनंजयादिभूषणम्
~~19~~कपोलदानवारणं भजे पुराणवारणम् ॥४॥
~~21~~नितान्तकान्तदन्तकान्तिमन्तकान्तकात्मजं
~~22~~अचिन्त्यरूपमन्तहीनमन्तरायकृन्तनम् ।
~~23~~हृदन्तरे निरन्तरं वसन्तमेव योगिनां
~~24~~तमेकदन्तमेव तं विचिन्तयामि सन्ततम् ॥५॥